Оклопни возила од Турција забележани на парада на „Денот на одбраната“ во Унгарија

0
220

Оклопни возила произведени од страна на турската одбранбена индустрија, предвидени за користење во воени зони, наскоро ќе се приклучат на армијата на Унгарија, пренесува Пресинг Тв

По завршување на процесот на набавка, Унгарија ќе стане првата членка на ЕУ, чија армија ќе биде опремена со воена техника произведена во Турција.

Земјата ќе биде шеста во светот чии Вооружени сили ќе ги користат турските оклопни возила „Ејдер Јалчин 4х4″ и втора опремена со „Јорук 4х4″. Двата типа оклопни возила се произведуваат во турската компанија „Нурол Макина Санаји”.

Во текот на одбележување на “Денот на националната одбрана”, на аеродромот Бударош беа прикажани возилата со симболи на унгарските одбранбени сили и унгарското знаме.