Премиерот Зоран Заев за информацијата дека Меркел смета дека не треба да се даде датум за преговори на Северна Македонија, истакна дека за тие што се упатени, информацијата е стара и оти за ова прашање се уште се во тек разговори на највисоко ниво, но и со пратеници.
-Европскиот совет е тој што ја носи конечната одлука. Прво се наговестува преку ГАК. Да не ги пропуштиме овие термини, додаде Заев.
Тој ја прецизираше неговата изјава околу можното враќање на мандатот
– Замислите за реконструкцијата беа поприлично завршени, но заради тоа што парламентарното мнзоинство не е така спокојно после сите одлуки што ги донесе и не гарантира дека ќе се одржи. Затоа најавив и можно враќање на мандатот, тоа значи отворање на различни можности, прво дебата во кој правец продолжуваме и тоа во случај ако не се донесе одлуката ова лето. Ќе ги видиме и основите од разговорите со канцеларката Меркел, а ние сме во постојана комуникација со лидерите од сите земји, додаде Заев.
