Во чест на сите минати, сегашни и идни генерации чувари на македонското фолклорно наследство првенците, солистите и целиот ансамбл на „Танец“ со музичко-сценски спектакл базиран врз поновиот репертоар го прославија јубилејот 70 години постоење, објави Телма.
Во изминативе седум децении Танец не само на домашната сцена, туку во светски рамки со над 4500 концерти го презентираше нашето богато и разнолико фолклорно наследство.
Во рамките на вечерашната свеченост награди за особен придонес во развојот на ансамболот „Танец“ им беа врачени на луѓето кои раководеа со него низ годините: Бошко Тренески, Томе Димишковски, Марко Коловски, Зоран Џорлев и на Атанас Коларовски, првиот играорец во Танец.
https://youtu.be/HuugLNHaG0E?t=3
