Ѓорчев: Власта носи Закони по скратена постапка за да може да поставува партиски војници за директори без критериуми

0
145

Пратеникот на ВМРО-ДПМНЕ, Влатко Ѓорчев на денешна собраниска седница изјави дека измените на Законот за заштита за деца, власта ги носи по скратена постапка не затоа што се грижи за децата, туку за да може да поставува партиски војници за директори без критериуми за избор.

-Предлагаат решение кое е на линија со намалување на критериумите за избор. Имаме намалување на критериумите за вршење на функција директор во насока на тоа да општинските организации на СДСМ да продолжат без критериуми да ги менуваат и бираат директори и ништо друго, вели Ѓорчев.

Тој истакна дека оваа власт стана гарнитура на скратени постапки која не ги слуша приговорите на Европската унија туку насила тера закони по скратена постапка и со злоупотреба на европското знаменце, се со цел да се покрие неспособноста на најлошата влада во историјата, а во меѓувреме државата се сели како никогаш досега и државата доживува егзодус.

-Народот од Македонија како никогаш досега се сели, нема деца во училиштата си заминуваат цели семејства, луѓето си заминуваат затоа што ги зголемувате даноците, никој не инвестира , не доаѓаат фабрики и она мал софтверски сектор и ИТ индустрија ги регистрираат фирмите на други места ги зголемивте даноците. Носиме измени на закон за заштита на деца за да одредени партиски војници на СДСМ стануваат директори а државата ни остане земја без народ. 2018 година беше најлоша демографска година, 70 години наназад, најлоша година во историјата, потенцираше Ѓорчев.