Албанскиот Специјален кривичен суд го прогласи за виновен поранешниот министер за внатрешни работи Саимир Тахири за злоупотреба на функцијата, но го ослободи од обвинувањето дека имал врски со криминилна мрежа за шверц на големи количества марихуана. 49 годишниот Тахири е осуден на три години и четири месеци затвор, но пресудата му е заменета за условна и не ќе мора да биде затворен. Тој за тоа време не ќе може да има јавни функции. Албанија се обидува да се справи со големата корупција и шверцот со дрога со цел зачленување во ЕУ.
