На трибината на СДСМ бев поканет и присуствував како градоначалник на градот каде што се одржуваше настанот. Вака првиот човек на Кавадарци Митко Јанчев, кој е член на ВМРО ДПМНЕ го објаснува своето присуство на партиската трибина на владејачката партија, која синоќа се одржа во кавадаречкиот дом на културата.
Јанчев негира било каков партиски трансфер и ваквите наводи ги нарече „чиста шпекулација“. Тој смета дека должност на секој носител на јавна функција e да има соработка со сите институции, без разлика на партиската припадност.
