КОЈ СЕ’ ЌЕ ГЛАСА ЗА АВТЕНТИЧНОТО ТОЛКУВАЊЕ ЗА ЗАКОНОТ ЗА ПОМИЛУВАЊЕ?

Талат Џафери ја закажа координацијата за автентичното толкување за Законот за помилување кое го поднесе СДСМ за в понеделник, во 10 часот. Координаторите заедно со претседателот на Собранието треба да се договорат кога ќе има седница и дали таа ќе биде закажана пред седницата на Уставниот суд, в среда.

Од ВМРО-ДПМНЕ се уште без конкретен став дали ќе гласаат за автентичното. Денеска не одговорија на ова прашање, туку само порачаа дека се работи за театар на СДСМ.

Социјалдемократите пак преку соопштение ги повикаа да кажат на која страна ќе застанат.

„Ова е шанса за пратениците на опозицијата предводена од ВМРО-ДПМНЕ да покажат дали се за правда или ќе слугуваат на криминалците. Христијан Мицкоски нека ги повика пратениците на ВМРО-ДПМНЕ да гласаат за барањето. За предметите за кои се води постапка пред СЈО, а сега се преземени од ЈО, правда мора да има“.