Еди Рама изјави дека 50 луѓе загинале, а околу 2.000 се повредени во земјотресот со јачина од 6,4 степени.
Рама рече дека прелиминарната истрага покажала дека околу 900 згради во Драч и повеќе од 1.465 во Тирана се сериозно оштетени. Повеќе од 1.000 луѓе се сместени во хотели во Драч.
„Уште 400 жители на Тумане и околината се згрижени во хотелите на брегот“, рече министерот за туризам и животна средина, Бленди Клоси.
ВОНРЕДНА СЕДНИЦА НА СОВЕТОТ НА МИНИСТРИ:
-Сите семејства на жртвите, веднаш да бидат сместени во нови куќи, максимален рок до средина на декември.
-Линдита Цара и Алберт Цара, двајцата преживеани кои ги загубија нивните семејства да имаат посебен државен третман доживотно.
-Сите членови, пензионери на семејствата на жртвите да добијат посебна пензија во еднаква вредност со пензијата која држвата ја дава согласно законот, а за индивидуални посебни придонеси.
-За сите членови, ученици или студенти на семејствата на жртвите, месечна стипендија од 15.000 леки (122 евра) до завршувањето на образованието.
-За сите семејства на жртвите по 1 милион леки (8100 евра), вклучувајќи ги и семејствата на двете жртви од Косово.