Нема сериозни очекувања и голем оптимизам дека земјата напролет ќе ги започне пристапните преговори со ЕУ вели вицепремеирот Бујар Османи. Една од причините според Османи е комплицираноста на односите во Унијата.
Истиот став го дели и поранешниот амбасадор на ЕУ Ерван Фуере. Постигнувањето консензус за отпочнување преговори во март е голем предизвик и не толку возможна опција вели Фуере и порачува интензивно да продолжи борбата за спроведување на рефоримите во правосудството и сузбивање на криминалот и корупцијата.
Ставовите за досега постигнатото, Перспективите и очекувањата од новата Европска комисија, иницијативите на клучните земји – членки за иднината на Европа, и усогласување со новите европски перспективи беа тема на годишната конференција на Секретаријатот за европски прашања „Заедно кон ѕвездите” која денеска се одржа во Струга.
