ВМРО-ДПМНЕ: Заврши времето на криминалната коалиција помеѓу полицијата и подземјето

0
45

„Заврши времето на криминалната коалиција помеѓу полицијата и подземјето. Заврши времето кога Оливер Спасовски наместо да ги гони криминалците го користеше МВР за заштита на криминалот. Кога Славјанка Петровска говори за реформи и безбедност лаже и манипулира исто како и нејзиниот шеф, најнеуспешниот министер за внатрешни работи Оливер Спасовски во чие време имавме 10-тици нерасчистени престрелки и убиства.

Речиси и да немаше ден кој минуваше беше престрелка, опожарено возило, убиство и грабеж.

Кога Петровска говори за професионалност во МВР таа мисли на ангажирањето на поранешниот началник на СВР Штип, сега обвинет за тежок криминал, како советник на Директорот на БЈБ. Кога Петровска зборува за професионалност во МВР мисли на Драган Симоновски, советникот на Спасовски кој заврши во притвор поради злоупотреба на ПИ- мерки за уцена и Лазе Велковски чија ќерка со службено возило замина на одмор во Грција.