Средба Азески-Заев во Стопанската комора на Македонија

10 годишна развојна програма очекуваат бизнисмените од новата Влада. Тие денеска на иста маса со претседателот на социјалдемократскиот сојуз Зоран Заев ги претставија своите барања. Првиот човек на Стопанската комора, Бранко Азески вели дека стопанствениците очекуваат да не им бидат наметнати нови давачки се додека не станеме членка на ЕУ.

„Она што ќе му го соопштиме на средбата ќе биде во два дела. Првиот е дека очекуваме донесување национална развојна програма за 2020 – 2030 година во кој ќе бидат конципирани сите барања на бизнисот, а вториот, дека сакаме да видиме ситуација во која приближувањето кон ЕУ нема да носи нови обврски за компаниите додека не станеме членки “

Заев со својот тим од финансискиот и енергетскиот сектор ги слушнаа барањата на стопанството. Тој посочи дека нивните предлози ќе ги вметне во партиската предизборна економска кампања.