Полицијата во Прилеп, полициските специјалци тигри, но и центарот за информатика, телекомуникации и информациска безбедност ќе бида оддлеите во во МВР кои ќе добијат нови раководители и началници по предлог на техничкиот министер Наќе Чулев. Со овие три позиции се заокружува бројката од 15 дозволени со закон промени на раководни позиции во МВР со избор на техничкиот министер.
Како што веќе објави и Телма вчера, нови началници ќе добијат сите 8 сектори за внатрешни работи, новата единица за интервентна полиција, внатрешната контрола, секторот за организиран криминал и одделот за специјални операции. За дел од позициите се уште не се соопштени имиња за кои Чулев размислува да ги постави, додека за дел од местата веќе се избрани луѓе, кои доаѓаат од структурите на МВР.
