„МАН“ во март ќе ги испорача првите 6 еко-автобуси за ЈСП – Скопје

0
145

За два месеца ќе пристигнат првите 6 еколошки автобуси од германскиот производител „МАН“ за обнова на возниот парк на ЈСП – Скопје, информираат од Град Скопје.Градските власти велат дека испораката на автобусите ќе се одвива во согласност со договорот потпишан кон крајот на септември минатата година. Новите автобуси ќе пристигнуваат етапно и ќе се пуштаат во сообраќај низ скопските улици претстојнава пролет.

За два месеци 33 нови еколошки автобуси на гас (21 нископоден и 12 зглобни), каде што најголемата предност е што емитуваат значително помалку јаглерод диоксид или речиси воопшто не го загадуваат воздухот-истакна скопскиот градоначалник Петре Шилегов на својата фејсбук-страница, додавајќи дека ова е само дел од тоа што го очекува Скопје во новата година.

Споредено со потрошувачката на старите дизел-автобуси, овие автобуси трошат речиси двојно помалку гориво што дополнително треба да ги намали трошоците на работењето на ЈСП „Скопје“.