Познати неколку од имињата кои техничкиот министер за внатрешни работи, Наќе Чулев, ќе ги назначи за началници. Иако се зборува дека на листата за измени фигурира и Тетово, сепак сѐ уште не е објавено името на шефот на СВР-Тетово. Не е познато ниту кој ќе биде шеф на Специјалната единица „Тигри“. Засега се знае дека началник на СВР-Скопје ќе биде Ристо Ставревски, на Битола-Андреј Василевски, на Велес-Игор Ангеловски, на Струмица-Васко Тодоров, на Штип-Александар Николов, на Охрид-Илија Милевски и на Прилеп-Трајче Горгиески.
Чулев ќе смени и раководни лица во други сектори при МВР. Во Одделот за сузбивање на организиран и сериозен криминал се назначува Александар Јанев, во Интервентната единица – Васко Наумовски, во Оддел за специјални полициски операции – Сашо Зенговски, помошник министер на Одделот за криминални истраги, за внатрешна контрола и професионални стандарди ќе биде Филип Филиповски, а за информатика и телекомуникации – Здравко Стојков.
