Украински службеник денес ги изнесе четирите главни теории за предизвикување на падот на украинскиот авион во Иран во кој загинаа 176 патници, а во нив се вклучени и можни ракетни напади и тероризам.
Секретарот на украинскиот совет за национална безбедност и одбрана, Олексиј Данилов го соопшти ова откако беше објавено дека авионот се запалил непосредно пред падот.
Украина испитува повеќе можности за падот на авионот, вклучувајќи и ракетен напад, судар, експлозија на моторот или тероризам, напиша Данилов на фејсбук.
