Македонците со најмали шанси за азил во ЕУ

Европската агенција за азил, ЕАСО, во својот извештај за 2019-та година, констатира дека прв пат е зголемен бројот на барања за азил во ЕУ, а растот се должи на лица од земји со кои ЕУ го укинала визниот режим.

Во текот на 2019 се поднесени над 714 илјади барања за азил во ЕУ, што е зголемување од 13 отсто во споредба со претходната година, за прв пат имало повеќе барања отколку за време на бегалската криза во 2015-та.

Но, вели ЕАСО, „зголемувањето не се должи главно на нередовната миграција туку на апликации од земји кои имаат слободен визен режим со Шенген“.