Милошоски: Сѐ што поседував предадов во Обвинителството

„Денес она што го поседував како материјал, транскрипти, аудио снимка, поврзани со поранешниот премиер, Заев, каде што експлицитно се слуша неговиот глас и разговара за влијание во обвинителството и судството го предадов на обвинителката Русковска“, рече Антонијо Милошоски од ВМРО-ДПМНЕ, по излегувањето од судот.

Тој додаде дека не поседува други материјали и изрази очекување дека Заев ќе биде повикан да даде исказ за целиот случај и ќе каже во чие присуство е правен разговорот.