Во Кина уапсени се повеќе од 1.500 лица за производство и продажба на фалсификувани медицински маски. Ова го објави Министерството за јавна безбедност на земјата.
„Приведени се над 1560 лица. Истражени се вкупно 688 случаи. Полицијата заплени повеќе од 31 милиони фалсификувани производи произведени без исполнување на националните и меѓународните стандарди“, велат од Министерството.
Според кинескиот закон, сторителите можат да добијат доживотен затвор за ова дело, пренесуваат медиумите.
