Перверзно е Социјалдемократскиот сојуз на Македонија и претставници од партијата да говорат дека СДСМ е одговорна партија, реагираат од ВМРО – ДПМНЕ на прес конференцијата на Кирил Колемишевски од СДСМ.
Срамно е СДСМ да зборува дека спроведува политики од кои придобивки имале сите граѓани?!
„СДСМ е позната само по тоа што во нивниот мандат 500 илјади граѓани во текот на денот имаат еден оброк. СДСМ ќе биде запаметена како партија која предводи влада за чиј мандат има најголем одлив на лица во странство кои бараат само спас во други држави зошто не можат да ја трпат оваа криминално рекетарска банда.
СДСМ за три години ја урниса економијата. Растот на БДП во првата година од владеењето на СДСМ беше еднаков на нула, лоша реализација на капиталните инвестиции, немаше нови големи инвестиции и проекти, и оние со кои се пофалија беа договорени или започнати од Владата предводена од ВМРО-ДПМНЕ, се наведува во партиската реакција“, истакнаа од ВМРО-ДПМНЕ.
