Директорот на Скопската зоолошка градина, Ѓорѓи Галетановски најави дека наскоро Скопската зоолошка градина ќе добие јато африкански пингвини. Овие пингвини ќе дојдат од Лондон.
Од Зоолошката градина велат дека изградбата на живеалиштето кое е според сите светски стандарди е во завршна фаза и дека со поддршка на Градот се забрзани градежните активности, за да ги добијат овие ретки птици кои ќе бидат вистинска радост за децата.
Африканските пингвини се ретки и атрактивни. Тие се вид птици од семејството пингвини и се единствен вид за кои е извесно дека се населува на Африканскиот континент. Видот стрепи од исчезнување.
Африканските пингвини са високи околу 65 до 70 сантиметри, тежат меѓу 2,4 и 3,6 килограми. Тие имаат црн грб и бел стомак на кој имаат црни дамки чиј број и локација е единствен за секоја индивидуа. Тие, воедно имаат црна боја во делот на лицето од очите до брадата и за нив е карактеристичен црн раб, кој што започнува од градите и се спушта од двете страни покрај крилата до нозете.
