Проверете дали сте еден од добитниците на награда. Се разбира ако скенирате фискални сметки. Министерката за финансии Нина Ангеловска синоќа сподели на фејсбук дека се извлечени новите среќници. Тие добија по 100.000 денари, а во март ќе биде извлечена и премијата односно наградат од три милиони денари.
„Со #МојаНаграда сите кои скенираат имаат 3 главни придобивки – поврат, награди и придонесуваат во борбата против сивата економија. Секоја фискална сметка е важна! Во март следува извлекувањето за првата голема премија од 3.000.000 денари Помалку сива економија – подобри јавни услуги за сите“, напиша Ангеловска.
