Близу 8.000 работници ќе останата без работа со предлог измените во закон за игри на среќа, предупредуваат од асоцијацијата на спортски обложувалници.
МАКЕДОНИЈААсоцијација на спортски обложувалници: 7.700 луѓе преку ноќ остануваат без работа со новиот Закон за игри на среќаОбјавено пред 6 часа – 8 февруари, 2020Од Макфакс
Асоцијацијата на спортски обложувалници на Македонија предупредува дека со предлог измените на Закон за игрите на среќа и забавните игри кои се на дневен ред на 131-та собраниска седница, 7.700 луѓе преку ноќ остануваат без работа.
„Апелирам до пратениците уште еднаш да го преиспитаат ставот за усвојување на измените на Законот за игрите на среќа. Дали се подготвени да избришат една цела стопанска гранка која дава значаен придонес во државниот буџет и директно вработува 7.700 луѓе кои индиректно подржуваат 54.000 работни места во други стопански гранки? Дали се подготвени да ризикуваат да избришат една целосно регулирана индустрија и да создадат услови за нелегално обложување и сива економија?“, предупредува Васко Илијевски, претседател на АСОМ.Измените на Законот се носат без соодветни претходни анализи на состојбата, социјални и финансиски импликации кои истите би ги предизвикале. За своето работење, спортските обложувалници плаќааат лиценци кон државата кои им гарантираат услови за работа во периодот за којшто е издадена таа лиценца. На основ на издадената лиценца, приредувачите на игри на среќа во обложувалница ги прават своите проекции за инвестирање, нови вработувања и развој. Условите кои ги наметнува новиот закон значат прекин на правата кои ги регулира лиценцата. Како државата ќе ги обештети и надомести средствата дадени за лиценца и инвестиции по секое уплатно место? Освен за обложувалниците, ова ќе значи и огромна загуба за државата која притоа ќе ги загуби и 253 милиони евра, кои по основ на давачки и даноци секоја година се слеваат во државната каса,предупредува Васко Илијевски, претседател на АСОМ.
