Врховен суд си го штити дворот од партиите

Апелираме на воздржаност и соодветно комуницирање, без да се загрози независното и самостојно постапување на судската власт и судиите“, им порача Врховниот суд на партиите

Врховниот суд отфрла секаков вид на надворешно влијание врз правораздавањето, и изрази загриженост од такви евентуални идни однесувања на политичките партии, особено во изборен период и за предизборни цели.

Ваквиот став на Врховниот суд е објавен преку соопштение по одржаната Општата седница на 3-ти март, а уследи непосредно по два јавни партиски собири: маршот за правда на СДСМ, и протестот против неправда на ВМРО-ДПМНЕ. Двата собира не ја одминаа зградата на Врховниот суд , а од нив беа испратени различни пораки.