Обвинетите за организирање на крвавиот четврток велат дека се невини

Обвинетите за крвавиот четврток тврдат дека не го организирале упадот во собранието на 27 април 2017 година. Во воведниот говор, поранешниот собраниски спикер Трајко Вељаноски кажа дека обвинението е направено за политички цели од политичката партија на власт. Според Вељаноски, Обвинителството нема докази.

Тој забележа дека во воведниот говор обвинителката Вилма Русковска не го цитирала целиот цитат на Гоце Делчев: „Јас не познавам друг народ освен македонскиот, кој повеќе страдал од своите синови“.

Тука, Вељаноски кажа дека македонскиот народ најмногу страда од слугите на сите режими. Поранешниот претседател на Собранието најмногу говореше за процедурите на конститутивната седница.