Девет нови случаи на коронавирус во земјава, вкупната бројка се искачи на 85

0
84

Регистрирани се девет нови случаи на коронавирус во земјава. Министерот за здравство, Венко Филипче, на фејсбук напиша дека со тоа бројката на дијагностицирани пациенти со Ковид-19 денеска до 12.00 часот, се искачи на 85. Според местото на живеење, случаи на КОВИД-19 се регистрирани во шест града: Скопје, Дебар, Штип, Кавадарци, Гостивар и Охрид.

Филипче информира и дека состојбата на хоспитализираните пациенти на Клиниката за инфективни болести и фебрилни состојби е непроменета во однос на вчера. Единствената пациентка која е на респираторна машина е во критична фаза, тројца се со форма на потешка пневмонија, но во моментов се стабилни, а останатите пациенти се со полесна клиничка слика. Сите пациенти кои се на домашно лекување се во постојан контакт со лекарите од клиниката.

Извор Телма