Турскиот претседател Реџеп Таип Ердоган ја повика Грција да ги отвори вратите за емигрантите кои Турција ги пушти да се упатат кон Европа.
Тој ја повика Грција да ги пушти да продолжат понатаму кон другите земји од Европската Унија.
„Грцијо, ти упатувам повик: Отвори ги и ти твоите граници и ослободи се од товарот. Пушти ги да одат во другите европски земји“, порача Ердоган во говор во Истанбул пренесуван преку телевизија.
Ердоган најави дека денеска заминува во Брисел за да разговара за проблемот со емигрантите со функционерите на ЕУ и изрази надеж дека ќе се врати од Белгија „со поинакви резултати“.
