Седум лица се тестираат на корона вирус во државава

0
81

Седум нови пациенти се тестираат на корона вирус, информираше на денешната прес конференција министерот за здравство, Венко Филипче. Како што наведе тој, пациентите се од Штип, Куманово, Тетово, Кичево и Охрид. Дел од нив, поточно оние од Штип, Куманово, Тетово и Кичево, до пред 3-4 дена престојувале во Швајцарија, Германија и Австрија. Кај нив, неколку дена по враќањето кренале висока температура.

Две од лицата коишто се тестираат се бремени жени од Охрид. Како што кажа министерот Филипче, двете се донесени во Скопје и се сместени во изолација.

Резултатите за сите новотестирани пациенти се очекува да бидат готови за неколку часа.