Пожарот, според информациите на Противпожарната бригада, бил пријавен во СВР Скопје утринава околу 4.30 часот. Интервенирале две возила, по што огнот кој зафатил површина од 70-тина квадратни метри бил целосно изгаснат два часа подоцна.
Претпладнево на лице место увид вршеа неколку полициски службеници. Надлежните се уште истражуваат како избувнал пожарот и колкава е материјалната штета.
Работа за пожарникарите секогаш има, но поради вонредната состојба и рестрикциите за движење на населението обемот на интервенции е речиси преполовен во споредба со истиот период лани, вели за Канал 5 првиот човек на скопската противпожарна бригада, Владимир Симоновски.
