(Архива) Крвна плазма- нова надеж во битката со коронавирусот

0
91

Лекувањето со крвна плазма е познато уште од пандемијата на шпанскиот грип. Научниците и лекарите велат дека се уште нема докази дека тоа ќе помогне против коронавирусот, но подготвени се да се обидат.

Тифани Пинкни го памети стравот кога Ковид-19 и го одзеде здивот. Кога се опорави, оваа њујорчанка стана една од првите излечени пациенти кои донираа крв за третман на сериозно болни пациенти.

„Навистина е неверојатно кога знам дека можеби одговорите се кријат во мојата крв“, вели Пинкни.

Лекарите ширум светот сега го реоткриваат со векови стариот третман за инфекции: инфузија на крвна плазма која содржи имунитетски молекули кои им помогнале на оздравените да го совладаат коронавирусот. Засега нема доказ дека ќе функционира. Но поранешни пациенти во Хјустон и Њујорк веќе донираат, а болниците и центрите за донација на крв сега очекуваат стотици нови излечени да го следат нивниот пример.