Од владата нема одговор дали во Куманово ќе се прогласи кризна состојба и 14 дневен карантин, мерка која ја бараше општинскиот кризен штаб. Во неколку наврати првиот човек на општината бараше владата да донесе одлука градот да биде ставен во 14 дневен карантин по примерот на Дебар поради зголемениот број на ново заразени од Ковид 19 но и високиот степен на заразени здравствени работници од кумановската болница. Министерот за здравство Филипче вчера на прес конференција кажа дека одлуката за карантин треба да биде донесена денеска.
