Филипче: Првпат има повеќе оздравени отколку активни случаи, епидемијата стивнува

0
73

Протоколите за олеснување на мерките се готови, ама се чека да се види дали и во наредните денови ќе продолжи трендот на намалување на бројот на нови случаи со ковид-19

Првпат од почетокот на епидемијата во земјава има повеќе оздравени (738) отколку активни случаи (650) на ковид-19. Досега се направени вкупно 16 436 теста, а во последните денови се намалуваат намалуваат индикациите за тестирање во пунктовите и во установите за јавно здравје.

Овие параметри, според министерот за здравство Венко Филипче, се сметаат за показател дека епидемијата почнува да стивнува. Сепак, тој апелира на претпазливост, затоа што, како што посочи, сите проекции, на глобално ниво, укажуваат на тоа дека вирусот нема да исчезне, туку дека и наесен може да се очекува нов бран заразени.