Поголемиот дел Хрватите бараат отворање на границите

epa08336294 Epidemiologists prepare to test Croatian citizen in the car at drive-in Covid-19 testing at Teaching Institute for Public Health 'Dr.Andrija Stamtpar' in downtown Zagreb, Croatia, 01 April 2020. Croatian authorities have decided to test citizens with fast test in a bid to slow down the spread of the ongoing pandemic of the COVID-19 disease caused by the SARS-CoV-2 coronavirus. EPA-EFE/ANTONIO BAT

Речиси половина од Хрватите не се плашат од коронавирусот, а 80 проценти се за отворање на границите пред туристичката сезона, е резултатот на истражувањето на јавниот сервис ХРТ.

Два месеци по прогласувањето карантин во Хрватска, според анкетата, 18,4 проценти од испитаниците сè уште се плашат од коронавирусот, 43,9 проценти не се плашат, но се претпазливи, а 28,4 проценти воопшто не се плашат.

На прашањето дали Хрватска треба да ги отвори своите граници пред туристичката сезона, дури 80 проценти рекле дека треба, 15,2 проценти не се согласуваат со предлогот, а само 4,8 проценти не знаат дали треба или не.

Додека научниците ширум светот се во забрзана потрага по вакцина против коронавирусот, односот на хрватските граѓани кон вакцинацијата е поделен. Речиси половина најверојатно би ја примиле вакцината, 41,2 проценти не би се согласиле со тоа, а 11,5 проценти се неодлучни.

Анкетата, на барање на ХРТ, ја спроведе агенцијата Промоција плус на примерок од 1.400 испитаници со маргина на грешка од пет отсто.