По 100 дневни глоби за четворица гостиварци за прекршување на полицискиот час

Основното јавно обвинителство Гостивар до Основниот суд во Гостивар достави предлози за издавање на казнен налог против четири лица од Гостивар.

Обвинетите се движеле пеш или со возила додека во сила била забраната за движење на населението на територијата на државата. Со прекршување на полицискиот час, обвинетите сториле кривично дело – Непостапување според здравствените прописи за време на епидемија од член 206 став 1 од Кривичниот законик.

Надлежен јавен обвинител од Основното јавно обвинителство Гостивар ​му предложи на Судот на обвинетите да им биде определена парична казна во висина од по 100 дневни глоби.​