Во денешното “Отворено студио” на 24 телевизија, поранешниот премиер Зоран Заев, во дуелот со лидерот на опозицијата, Христијан Мицкоски, запрашан да ја искоментира улогата на СЈО и зошто речиси ниту еден политичар не одговараше за она што го слушавме во бомбите, со одговор:
“Судството во делот на кадровскиот потенцијал е исто како што беше и порано. Зоран Заев не штити никого, Зоран Заев ги објави сите криминиали на претходната власт и истите беа процесуирани со кривични пријави до Јавното обвинителство, а после СЈО ги презеде предметите. Јас сум бил тој којшто комплетно ги тргнал рацете од правосудството и се’ што е поврзано со него за да можат обвинителите да водат постапки, а судиите слободно да судат. Тука се’ е транспарентно и се’ е чисто. Зоран Заев не го контролира судството, ако Зоран Заев креваше телефон како што правеше ВМРО-ДПМНЕ можеби ќе имаше луѓе во затвор. Јас се борев да нема влијание на судството, судиите се тие што носат пресуди и тие имаат одговорност за ефикасни и брзи постапки. Тука е нашето незадоволство и јавно и транспарентно го истакнуваме. Зтоа сега со законите има одговорност и за обвинителите и за судиите за застарување на предмети, манипулација на предмети, избегнување на докази, одење во пензија на поротници” – истакна Заев.
