Зеќири: За празникот имав средба само со најтесното семејство

Потпретседателот на СДСМ, Мухамен Зеќири го демантира претседателот на партијата Зоран Заев дека се заразил со Ковид – 19 на ифтарска вечера кај неговиот брат.

Зеќири на Фејсбук напиша:

– Заради ненамерната грешка на претседателот Зоран Заев на денешната прес-конфернција дека сум се заразил на ифтар кај брат ми, сакам само да ве информирам дека:

За целото времетраење на полицискиот час ниту сум имал дозвола за движење, ниту било кога сум прекршил некоја од мерките за забрана за движење!

За целото времетраење на месецот Рамазан сите ифтрски вечери ги имав дома, само со членовите на домаќинството – и без посети од никого.

Првото излегување ми беше на Бајрамскиот викенд и за празникот имав средба само со најтесното семејство. Тие лица ќе бидат допрва тестирани, така што до сега само ние сме потврдени позитивни на вирусот.