Форбс“ објави листа која покажува кои земји се најбезбедни во време на пандемијата на коронавирусот. На првото место е Швајцарија, втора на листата е Германија, додека пак на 100. место се Бахамите. Според анализата Македонија е сместена на 103. место, а како најопасна земји се смета Јужен Судан која е последна на листата.
„Првите места им припаднаа на Швајцарија и Германија, поради силната економија и претпазливоста за време на олабавувањето на мерките“,
се вели во сторијата.
На трето место е Израел, потоа доаѓа Сингапур, Јапонија, Австралија и Кина на седмо место.
Поголем дел од земјите во регионот се најдоа меѓу првите 100, а Србија, Хрватска, Босна и Херцеговина и Словенија се наоѓаат и пред Русија и САД.
Од регионов најдобро е позиционирана Словенија на 32. место, четири места зад неа е Хрватска, додека Црна Гора е на 42. место. Србија пак се најде на 54. место, а Албанија на 88. место.
САД се на 58. место веднаш по Романија, а Русија е на 61. место.
Податоците се базираат на 130 параметри, како и на повеќе од 11.000 информации во такви категории, како што се ефикасност на карантинот, мониторинг и откривање на заразени, стабилност на здравствениот систем и ефикасност на владите.
Во овој момент, според извештајот, најопасни држави се Африка, Јужна Америка, како и некои блискоисточни земји и држави од Пацификот.
