Влада: Од утре се враќа полицискиот час, карантин за Скопје, Куманово, Липково,Тетово, Штип…

0
75

Владата го прифати предлогот на Комисијата за заразни болести за воведување на засилени рестрикции за претстојниот продолжен викенд, информираше министерот за здравство Венко Филипче на прес-конференција.

Се воведува целосна забрана на движење од утре (4 јуни) од 21 часот до понеделник (8 јуни) до 5 часот наутро за сите општини во Скопје, за Општина Куманово, Општина Липково, Општина Штип, Општина Тетово, како и Боговиње, Брвеница, Теарце, Желино и Јегуновце.

Во сите останати градови, полицискиот час ќе трае од четврток (4 јуни) од 21 часот до петок (5 јуни) до 5 часот наутро. Останатите денови полицискиот час ќе започнува од 16 часот и да трае до следниот ден до 5 часот наутро.

„Комисијата за заразни болести правеше анализа и ги следеше трендовите на новозаболени, имаме неколку локации каде имаме брзо ширење на болести кои се резултат на непочитување на мерките што се главните причини за заболени во СКопје, КУмановско-липковскиот регион, Тетовскио, Штип и околината. ДОбро е што во останаите делови е добра ситуацијата. Добро е што во другите делови од земјата состојбата е стабилна. Заради спречување на дополнително ширење на вирусот во критичните региони и надвор од нив, Владата донесе одлука за враќање на полицискиот час“,

порача Филипче.