Полицијата го застрелала напаѓачот кој претходно предизвикал инцидент во Глазгов во кој повредени се шест лица, меѓу кои и полицаец, соопшти денеска шкотската полиција.
Полицискиот службеник кој бил прободен во инцидентот во хотелот „Парк Ин“, каде живеат претежно бегалци, е во критична, но стабилна состојба, велат тие.
Serious police presence in West George Street, Glasgow just now. Armed police entering a building. Anyone know what’s going on? pic.twitter.com/aplqcywWrN
— Adele Mills (@MillsAdele) June 26, 2020
Полицијата ги повикала луѓето да ја избегнуваат областа, меѓутоа, рекле дека станува збор за посебен инцидент и не постои ризик за пошироката јавност, односно не е терористички чин.
Нема трага по повеќе осомничени, а сите повредени се однесени во болница.
Британскиот премиер Борис Џонсон изјави дека е „длабоко тажен од грозоморниот инцидент во Глазгов“ и дека неговите мисли биле со „жртвите и нивните семејства“.
