Kонтактите на двајцата заразени во владиниот Секретаријат за европски прашања (СЕП) се тестирани и тие се негативни, но сепак ќе останат во изолација, рече вицепремиерот Бујар Османи кој раководи со ова тело.
„Јас не сум во близок контакт, но се тестирав и резултатот е негативен. Почнавме процес на реорганизација на работењето, дезинфицирање на целата зградата и функционирање во рамки на протоколите од Комисијата за заразни болести“,
рече Османи.
Тој повторно предложи секоја државна институција и приватна фирма да назначи ковид-координатор чија задача ќе биде да надгледува дали се почитуваат протоколите, односно дали вработените се собираат на кафе-пауза, дали работат на доволна дистанца итн.
„Поисплатливо е така отколку да се доведат во ситуација да ја затворат фирмата“
рече Османи.