Стравот од вториот бран на инфекција со коронавирус се зголеми денеска по рекордниот дневен број нови случаи во Индија и во услови на зголемени предупредувања за прекумерно олабавување во Европа.
Здравствените претставници ширум светот изминативе денови изразија загриженост дека некои земји кои се соочуваат со разурнувачки економски ефекти од рестриктивните мерки сега премногу брзо ги олеснуваат овие мерки, а во исто време шират протести против расизмот.
Вол Стрит вчера потона на најниско ниво за три месеци, поради неизвесноста од економското закрепнување, а денеска акциите во целиот свет продолжија да бележат загуби четврти ден по ред.
Во Кина, од каде потекнува коронавирусот, беа потврдени два нови случаи на ковид-19 во главниот град, само еден ден откако градските власти ги одложија плановите за делумно враќање на учениците во училиштата.
Индија повторно воспостави јавен превоз, ги отвори канцелариите и трговските центри по 70 дена, а Министерството за здравство соопшти дека бројот на заразените лица деенска се зголеми за рекордни 10.956, вклучително и случаи во градовите Њу Делхи, Мумбаи и Ченаи.
Официјално, 8498 смртни случаи поврзани со коронавирус се потврдени во Индија, што е релативно малку за оваа пренаселена земја.
Додека инфекцијата забавува во повеќето европски земји, здравствените експерти предупредуваат дека постои умерен до висок ризик од нов циклус на болеста, што може да следи како резултат на опуштеност од мерките, и затоа можноста за повторно воведување карантин е реална.
„Првичниот бран на пренесување достигна врв во сите земји, освен во Полска и Шведска“, рече Европскиот центар за превенција и контрола на болести (ECDC), кој предвидува умерено забрзување на ширењето на инфекцијата во наредните недели.
Ваквото зголемување, проценува ECDC, доколку не се провери може да изврши притисок врз здравствениот систем како во март и април во повеќе европски земји и Велика Британија.
„Оваа епидемија сè уште не е зад нас. Треба да бидеме внимателни“, им рече на еврокомесарот за здравство Стела Киријакидес на своите колеги од земјите-членки на ЕУ, повикувајќи ги да продолжат со тестирање на населението и да обезбедат дека ќе се следат контактите со заразените лица, особено откако ќе се отворат границите.
Во Белгија, бројот на нови инфекции со коронавирус е за околу еден процент поголем од минатата недела, но властите во земјата велат дека нема причина за загриженост.
Официјалните лица во голем број земји изразија загриженост за можното ширење на вирусот кај десетици илјади учесници во антирасистичките протести низ цела Европа.
Директорот на Светската здравствена организација (СЗО), Тедрос Аданом Гебриесус изјави дека ризикот да се разгори епидемија е целосно реален.
„Мора да разбереме дека иако ситуацијата во Европа се подобрува, таа се влошува низ целиот свет .Сè уште ќе биде потребна глобална солидарност за целосно да ја победиме пандемијата.“, рече Гебрејзус.
