Српскиот тенисер Новак Ѓоковиќ е позитивен на коронавирус. Најдобро рангираниот тенисер соопшти дека и неговата сопруга е заразена со вирусот, додека тестовите на нивните деца се негативни.
Веста доаѓа откако и други тројца тенисери Борна Ќориќ од Хрватска, Григор Димитров од Бугарија и Виктор Троицки од Србија објавија дека се позитивни на вирусот откако учествуваа на турнирот Адрија во Белград кој беше организиран од Ѓоковиќ.
Троицки соопшти дека и неговата бремена сопруга е заразена. Позитивни на вирусот се и фитнес тренерот на Ѓоковиќ и тренерот на Димитров, италијанецот Марко Паники и германецот Кристијан Грох.
Финалето на турнирот Адрија кое требаше да се одржи на 21 јуни беше откажано откако Димитров ја извести јавноста за неговата здравствена состојба. Ѓоковиќ беше цел на критики за организација на турнирот.
