Македонските „Анонимуси“ ја објавија следната цел: На ред се извршителите

Македонските „Анонимуси“ излегоа со соопштение дека тие ниту еден момент не го загрозиле маил серверот на Министерството за здравство, само направиле екстракт на мејловите.

„Сајтовите, и маил серверот СЕ ИЗГАСЕНИ од страна на шалабајзерите што се систем админи во тие министерства. И немојте утре да се правдате дека сте правеле истрага и затоа биле паднати сајтовите, немојте повеќе да лажете, срамно е“, стои во нивните реакции на Твитер.

Тие најавија дека следни за напад се извршителите. 

Извршители – убијци – вие сте на ред, спремете се. п.с: Немојте да ни кажувате како функционира анонимус, не бидете идиоти. #OpMacedonia“, известуваат од „AnonOpsMKD“.

Претходно од Министерството за здравство објавија дека нивната официјалната веб-страница не функционира, а не функционираат ниту службените е-адреси на вработените во институцијата. Одговорноста за хакерскиот напад ја презеде групата што стои зад профилот „AnonOpsMKD“, а која претходно призна дека е одговорна и за паѓањето на македонскиот агрегат за вести Тајм.мк