Велика Британија престанува да го објавува црниот биланс

0
124
epa08389002 A Royal Mail worker walks past artwork in support of the NHS (National Health service) in London, Britain, 28 April 2020. A minute of silence was held nationally to mark the 84 health workers, including 69 NHS workers and 15 care workers who have had died due to the coronavirus. EPA-EFE/FACUNDO ARRIZABALAGA

Властите во Велика Британија соопштија денеска дека привремено го суспендираат дневното објавување на најновите податоци за починатите од пандемијата на коронавирус во таа земја, поради сомневање дека овие статистики се претерани.

Имено, британската влада нареди ревизија на методологијата за пресметување на бројот на починати, бидејќи експертите предупредуваа дека, поради начинот на кој се чуваат записите за смртните случаи во Англија, сликата на тој статистички параметар може да биде искривена во споредба со другите делови на Велика Британија.

Привремената суспензија на објавување на податоци за бројот на починати владата ја образложи со соопштение во кое се посочува дека во починатите од КОВИД-19 по сегашната методологија се вбројуваат сите лица кои умираат по добивање на позитивен тест на коронавирус, а дека при тоа не се зема во обзир временскиот период, кој поминува од тестирањето со моментот на настанување на смртта.

Во соопштението се наведува дека секојдневното објавување на податоци за смртниот биланс на пандемија ќе продолжи кога ќе се реши овој проблем.

Ревизијата на начинот на водење на евиденцијата беше наредена вчера од страна на британскиот министер за здравство Мет Хенкок, по тврдењата на група експерти дека според сегашната методологија, дури и КОВИД-позитивите кои се успешно излечени „умираат после три месеци од срцев удар или се прегазени со автобус“ се неразумно класифицирани кај починати од КОВИД-19.

Според сегашните официјални податоци, КОВИД-19 однел повеќе од 45.000 животи во Велика Британија, што е повеќе отколку во која било друга земја во Европа, потсетува Ројтерс.