Насилство и упад во српското собрание, попладне нови протести

0
117

Упад во српското собрание. Групата демонтреанти кои протестираа синоќа поради најавата за повторно воведување на рестриктивните  мерки, влегоа во Собранието синоќа, по што интервенираше полицијата со солзавец и водени топови. Најжестоко беше пред полноќ кога демонстрантите со камења и факели фрлаа врз полицијата, а денешните статистики велат дека полицијата употребила 30 солзавци. Демонтрантите откако беа растерани се упатија кон зградатаа на РТС, а денеска таму е мирно.

А директорот на полицијата утрово за РТС рече дека полицијата реагирала крајно воздржано и дека хемиски средства биле употребени околу 23 часот. Демонтрантите кои Ребиќ ги нарече хулигани повредиле 43 полицајци, запалиле пет полициски возила, а уапсени 23-ца.

ПОЛИЦИЈАТА УСПЕА ДА ГО ВОСПОСТАВИ ЈАВНИОТ РЕД И МИР ЗА ШТО НИ ТРЕБАА, ЗА ШТО НИ БЕА ПОТРЕБНИ НЕКОЛКУ ЧАСА, СО ОГЛЕД НА ТОА ШТО ЗНАЧАЕН БРОЈ, МОРАМ ДА КАЖАМ ХУЛИГАНИ НЕМАМ ДРУГ БРОЈ, БИДЕЈЌИ ТОА СЕ ЛУЃЕ КОИ БЕЗОБЗИРНО СО КАМЕЊА, КОЦКИ, ШИШИЊА И СИТЕ ДРУГИ ПРЕДМЕТИ, СЕ ОБИДУВАА ДА ГО ЗАГРОЗАТ ЖИВОТ И ТЕЛОТО НА ПОЛИЦИЈАТА И СЕ ОБИДУВАА ДА ВЛЕЗАТ ВО НАРОДНОТО СОБРАНИЕ, ИЗЈАВИ ЗА РТС ВЛАДИМИР РЕБИЌ, ДИРЕКТОР НА ПОЛИЦЈАТА.

Премиерката Ана Брнабиќ, чија партија СНС победи на изборите, на кои не учествуваше опозицијата, го осуди насилниот упад во собранието и за тоа ги обвини политичарите губитници на изборите, кои во време на светска криза сакаат да стекнат политички поени.

НАЈОСТРО ГО ОСУДУВАМ ВАНДАЛИЗМОТ НА ПОЛИТИЧАРИТЕ КОИ СТОЈАТ ЗАД НАСИЛНИОТ УПАД ВО СОБРАНИЕТО НА СРБИЈА ВО МОМЕНТ КОГА ДРЖАВАТА И ЗДРАВСТВЕНИОТ СИСТЕМ СЕ СООЧУВААТ СО НАЈТЕШКИОТ УДАР НА КОРОНАВИРУСОТ ОД ПОЧЕТОКОТ НА ПАНДЕМИЈАТА, РЕЧЕ АНА БРНАБИЌ, ПРЕМИЕР НА СРБИЈА.

Радомир Лазовиќ од иницијативата „Да не го давиме Белград“, изјави дека причина за овој протест е акумулираното незадоволство од властите во Србија.

Српската Народна партија најави тужба против претседателот на Србија, Александар Вучиќ, поради воведување полициски час и ограничувања на слободата на движење на граѓаните.

Од паријата велат дека Вучиќ прогласил победа над короната, а сега повторно ги заклучува граѓаните во куќен притвор, за да им ја наметне ним одговорноста за состојбата. Партијата повика на нови протести најавени за попладнево против воведувањето на полициски час.

ДЕЛ ОД МЕДИУМИТЕ И СОЦИЈАЛНИТЕ МРЕЖИ ВЧЕРА ОБЈАВУВАА ВИДЕА НА КОИ СЕ ГЛЕДА КАКО ПОЛИЦИЈАТА ВО СРБИЈА ЗА ВРЕМЕ НА ПРОТЕСТИТЕ ПРИМЕНУВА ПРЕКУМЕРНА СИЛА.

Стигна рекација од Европската унија дека рестриктивните мерки мора да ограничат на ова што е навистина неопходно и не смеат да ги загрозат основните човекови права, тоа се однесува на правото на мирни протести.

Извор Телма