Шпанското Министерство за здравство потврди дека најголем број новозаразени со коронавирус од почетокот на пандемијата е регистриран денес, 12.183 случаи, со што вкупниот број на заразени се зголеми на 566.300.
Ова е втор ден по ред како Шпанија поставува рекорд по бројот на ново потврдени случаи на заразени.
Загриженоста за тестирање расте во оваа земја, бидејќи позитивните тестови продолжуваат да растат. На глобално ниво, просечниот број на позитивни случаи во текот на изминатата недела беше 11,8 проценти.
Според стандардите на Светската здравствена организација, земјата нема контрола над пандемијата се додека бројот на позитивни случаи не падне под пет проценти. Досега успеа само шпанската провинција Астурија.
Бројот на смртни случаи во петокот беше скоро 50, со што вкупниот број на жртви од почетокот на годинава достигна 29.747. Во последните 24 часа хоспитализирани се 1.124 пациенти со Ковид-19.
Мадрид останува епицентар на вирусот, додека ситуацијата е критична и во неколку други региони.
Бројот на позитивни на ПЦР тестовите е 28,7 проценти во шпанската енклава Мелила во четвртокот, беше објавено денес. Локалните медиуми јавуваат дека властите размислуваат за воведување вонредна состојба. Андалузија објави повеќе од 1.200 нови случаи, но стапката по глава на жител е сè уште пониска отколку во земјата.
На единиците за интензивна нега во Мурсија има повеќе пациенти со Ковид-19 од кога било порано. Три од шесте болници во регионот се близу до максималната стапка на зафатеност во интензивната нега
