Менаџерот на Тотенхем, Жозе Мурињо потврди дека Деле Али ќе биде меѓу патниците за Скопје каде ќе го играат утрешниот натпревар против Шкендија во третото квалификациско коло на Лига Европа.
Португалскиот стратег смета дека англискиот репрезентативец Али ќе ја има шансата за настап, а во составот нема да биде новото летно засилување од Реал Мадрид, Серџо Регулион кој не е ниту во УЕФА листата.
https://twitter.com/SpursOfficial/status/1308752475378253832?s=20
Мурињо ќе направи силен состав за дуелот в четврток на Националната арена „Тодор Проески“ кој ќе стартува од 20.00 часот.
– Од секогаш сум кажувал дека Деле Али ќе ја добие шансата, ќе биде важно за него да ги покаже перформансите. Сакаме пласман во групите на Лига Европа. Но, мислам дека овие нокаут мечеви се потешки од оние во групната фаза со четири екипи и шест натпревари.
