Овоштарникот на Коста Лаковски од преспанското село Царев Двор се протега на околу 2 хектари површина. Годинава Коста очекува околу 60 тони јаболка. Но, на само една недела пред официјалнито старт на јаболкоберот, преспанските овоштари мака мачат да најдат сезонски работници, па стравуваат дека не ќе можат навреме да го соберат целиот род. Веќе неколку години поради иселувањето домашната работна сила се намалува, а, сега пандемијата дополнително ја усложни бербата. Традиционално, осумдесет проценти од берачите се од соседна Албанија, но, стравот од вирусот ја намали и оваа работна сила.
-СЕ ПЛАШАТ ДА ПРИМАТ ЛУЃЕ ОТИ СО НИВ ТРЕБА ДА СМЕ ЦЕЛ ДЕН, НЕ ЗНАЕМЕ ШТО ТОА НИ НОСИ. АКО ДОЈДАТ ОД АЛБАНИЈА, КАО ШТО ИДАТ, ЌЕ СЕ НАМАЛИ ТОЈ ПРОБЛЕМ, НО АКО ДРЖАВАТА ГИ ЗАТВОРИ ГРАНИЦИТЕ, ТОГАШ ИМАМЕ ГОЛЕМ ПРОБЛЕ, ВЕЛИ КОСТА ЛАКОВСКИ, ОВОШТАР ОД ЦАРЕВ ДВОР
Највисока откупна цена годинава се движи 13 денари за килограм јаболко и 3 денари за индустриското. Овие цени не ги покриваат основните трошоци па, овоштарите бараат да нема сорта која ќе се откупува под 15 денари, а за индустриското 5 денари за килограм. И додека откупните цени паѓаат, недостигот на сезонски работници ја покачува надницата.
-СЕ БАРА ЦЕНАТА ЗА ЕДЕН ДЕН НАДНИЦА ДА БИДЕ НЕ ПОВЕЌЕ ОД 1200 ДНАРИ, А ВО МОМЕНТОТ СЕ ДВИЖИ ОД 1300 ДО 1400 ДЕНАРИ, ШТО Е МНОГУ ВО ОВА ВРЕМЕ, ВЕЛИ АЛБЕН БЕКИРИ, ОВОШТАР ОД ГРНЧАРИ
За да се заштити здравјето на домаќините и на работниците, здруженијата на овоштари бараат Владата по примерот на западноевропските држави да утврди протоколи, за да не се случи при бербата на јаболката, Преспа повторно да стане жариште на вирусот.
-ДА СЕ НАЈДАТ СИТЕ МЕХАНИЗМИ ПО ПРИМЕРОТ НА ГЕРМАНИЈА, ГРЦИЈА, ИТАЛИЈА КОИ ВО СЛУАЧЈ НА ПАНДЕМИЈА ДОНЕСОА ПОСЕБНИ ПРОТОКОЛИ ЗА РАБОТНИЦИ КОИ ШТО МОЖАТ ДА СЕ ДОСТАПНИ И ДА СЕ ЗАТВОРАТ ГРАНИЦИТЕ. НОРМАЛНО ПОТРЕБНО Е ДА СЕ НАПРАВАТ ПОТРЕБНИТЕ ТЕСТИРАЊЊА ЗА ДА СОСТОЈБАТА БИДЕ СИГУРНА И БЕЗБЕДНА, ВЕЛИ ЉУБЕ ПАМПУЛЕВСКИ, ПРЕТСТЕДАТЕЛ НА ЗДРУЖЕНИЕТО НА ОВОШТАРИ, „БЛАГОЈ КОТЛАРОВСКИ“-РЕСЕН.
Годинав во Преспа се очекува квалитетен род од околу 120 илјади тони јаболка. На 27 септември традционално започнува јаболкоберот, годинава под маски, со многу неизвесности и страв кај овоштарите.
