Нивото на пренесување на Ковид-19 во Европа е „алармантно“, објави денеска Светската здравствена организација, изразувајќи загриженост за скратувањето на планираниот или воведен карантин поврзан со коронавирусот во повеќе земји, вклучително и Франција.
„Бројките од септември треба да служат како аларм за сите нас низ цела Европа, каде што бројот на нови случаи на инфекција е поголем од оној забележан во март и април“, рече директорот на европскиот огранок на СЗО, Ханс Клуге.
СЗО ја исклучи можноста за скратување на 14-дневниот карантин за сите што биле во контакт со вирусот.
„Нашата препорака за 14-дневен карантин се заснова на нашето разбирање за периодот на инкубација и преносот на болеста, ние ќе го промениме тоа само врз основа на промената во науката, што не е случај во моментот“, рече Кетрин Смолвуд за итни случаи во Европа од СЗО.
Во Франција, времето на изолација се намалува на седум дена во случај на контакт со пациентот. Тој период е десет дена во Велика Британија и Ирска и во неколку европски земји, а Португалија и Хрватска планираат да го намалат.
„Со оглед на огромното индивидуално и социјално влијание што може да има намалување на карантин, дури и минимално, ги охрабрувам земјите во регионот да следат редовна научна постапка со своите експерти и да применуваат безбедни опции за скратување“, рече Клуге.
Европскиот огранок на СЗО вклучува 53 земји, вклучително и Русија. Во областа има официјално пет милиони случаи на инфекција и над 227 000 смртни случаи од вирус, според табелата за следење на организацијата.
Поради обновениот скок на инфекцијата, но и со поголемите капацитети за тестирање во однос на бранот март-април, бројот на нови случаи на инфекција на ден сега е меѓу 40 000 и 50 000, во споредба со дневниот врв од 43 000 на 1 април, покажуваат податоците на СЗО во Европа. Новиот апсолутен рекорд датира од 11 септември, со регистрирани околу 54.000 случаи на инфекција за еден ден.
Преземено од: https://mondo.rs/
