Останува неизвесно дали собранието ќе ги потврди петте одлуки за прогласување на вонредна состојба што ги донесе претседателот на државата Стево Пендаровски поради пандемијата со ковид-19, откако пратеничката група на ВМРО-ДПМНЕ најави дека ќе гласа против нивното потврдување.
За усвојување на петте одлуки потребна е поддршка од најмалку 80 пратеници, што е невозможно без поддршка од дел од народните избраници од редовите на ВМРО-ДПМНЕ.
Во партиско соопштение ВМРО-ДПМНЕ обвини дека претседателот Пендаровски и сдсм ја злоупотребиле вонредната состојба за поединци да профитираат.
