Ова не е само бројка, ова се судбини: Мицкоски повторно ги повика Филипче и Заев да ги ослободат хронично болните од работа

0
84

Претседателот на ВМРО-ДПМНЕ Христијан Мицкоски повторно ги повика премиерот Зоран Заев и министерот за здравство Венко Филипче да донесат одлука за ослободување на хронично болните лица од работа по вчерашната бројка од 24 починати за само еден ден.

Црн ден за Македонија. 24 починати од ковид-19 само за еден ден. Министре Филипче, ова не е само бројка. Ова се човечки судбини, загубени вредни луѓе, семејни трагедии.
Ве повикувам заедно со Заев веднаш да донесете одлука за ослободување од работа на сите хронично болни во јавниот и приватниот сектор, како и на сите на возраст над 60 години како најризична група. Државата мора да собере сила да го издржи тој товар, бидејќи човечкиот живот нема цена.
Да не губиме повеќе време, да ги заштитиме граѓаните, да спасиме што е можно повеќе животи.
Затоа што секој живот е важен!, порача Мицкоски.